معاد السباعي يروي بحرقة تفاصيل وفاة والده بمستشفى محمد السادس بطنجة متأثرا بمضاعفات فيروس كورونا

الواضح24
2020-07-29T14:42:51+00:00
مجتمع
الواضح2429 يوليو 2020آخر تحديث : الأربعاء 29 يوليو 2020 - 2:42 مساءً
معاد السباعي يروي بحرقة تفاصيل وفاة والده بمستشفى محمد السادس بطنجة متأثرا بمضاعفات فيروس كورونا
الواضح24

كتب معاد السباعي الناشط المدني الطنجاوي تدوينة مؤثرة على صفحته الشخصية على موقع التواصل الاجتماعي فايسبوك، يروي من خلالها ما حدث لوالده الذي توفي مساء أمس متؤثرا بمضاعفات فيروس كورونا المستجد، الراحل وحسب ما جاء في تدوينة ابنه عانى من الإهمال ومن ظروف لاإنسانية بمستشفى محمد السادس بطنجة، قبل أن يسلم الروح لبارئها…

“قتلوا المرحوم مشى أمانة في عنقهم والله ما مسامحين ليهم.. ما عطاو ليه لا أوكسجين لا والو.. خالواه بوحدو كيعاني من صعوبة في التنفس.. كان عندو السكري ماشي لدرجة خطيرة ولكن ماللي دواه الصبيطار مكاين لا فراش لا والو مجمعين مع بعضهم في “الفيسطر” ناعسين على “البونجا” المرضى حدا بعدهم وحنا كنتفرجوا فيهم كيموتوا ببطئ من وراء زجاج عاجل مكايبنليك عندهم وااالو من غير التنهيدات ديالهم و”شهيق-زفير” اللي كيخرجوا بصعوبة.. سرقوا للمرحوم التليفون ديالو اللي كنا كانتواصلوا به معه..صيفطنا ليه التليفون الثاني تا هو سرقوه بغينا حنا عائلتو نعملو التحاليل في مجزرة محمد السادس خوفا نعاديو شي حاد قاليك تال غدا ليه مشينا في 6 صباحا نشدوا الصف قاليك تال بعدو واللي كيستقبلونا في باب الصبيطار هوما القوات المساعدة وكايهضروا معنا المرودة احنا عائلة الضحية بالنهطة والتغوبيشة والاحتقار.. مشينا لواحد مكتب التحاليل خاص خلصنا 1500درهم لكل فرد من العائلة يدوزوا تحاليل الكشف urgent والحمد لله خرجوا كلهم سلبيين.. كنعيط لصاحبي الطبيب من أكادير كايتصل بيهم لطنجة كايقولوا ليه معندنا الماطريال والاوكسيجين والو.. الوالد طلع ليه الضغط والمناعة ناقصة..3 ساعات ماللي جاب الله العمر عملوا ليه البطانية فوق وجهو وخلاواه.. والله ما مسامحينكم والله يلعن اللي كان حيلة وسبب.. ربي نحن مظلومين فإنتصر”.

رابط مختصر

عذراً التعليقات مغلقة